လူ့ဦးနှောက်၏ စွမ်းအင်အသုံးပြုမှုနှင့် ၁၀% ယုံမှားမှုအမှန်တရား

Translator: Sanntint Tint Reviewer: Myo Aung တာရှည်နေတဲ့ ယုံမှတ်မှားမှုတစ်ခုက လူတွေဟာ ဦးနှောက်ရဲ့ ၁၀ % ကိုပဲ သုံးပြီး အခြား ၉၀ % က အပို ပမာဏအတွက် အလဟဿရှိနေတာလို့ ဆိုပါတယ်။

အတင်းထိုးရောင်းသူတွေက ” အာရုံကြောသိပ္ပံ အခြေခံ” နည်းလမ်းတွေပါတဲ့ ဖုံးကွယ်ထားတဲ့ အလားအလာကို ဖော်ထုတ်ဖို့ ကတိပြုပေမဲ့၊ သူ တို့ တကယ် ဖော်ထုတ်တာက သင့်ရဲ့ ပိုက်ဆံအိတ်ပါ။

လူထု သုံးပုံ နှစ်ပုံနဲ့ သိပ္ပံဆရာ ထက်ဝက်နီးပါးက ၁၀ % ယုံမှတ်မှားမှု ကို မှားယွင်းစွာ ယုံကြည်ကြတယ်။ ၁၈၉၀ နှစ်လွန်တွေမှာ အမေရိကန်စိတ်ပညာ ဖခင်

ဝီလျံဂျိမ်းစ်က “အများစုဟာ စိတ်ပိုင်းဆိုင်ရာ စွမ်းပကာားကို မပြည့်မီကြဘူး” လို့ပြောခဲ့တယ်။ သူင မစို့မပို့ ဦးနှောက် အသုံးပြုမှု

စွဲချက်မဟုတ်ဘဲ စိန်ခေါ်မှုလို့ ဆိုလိုခဲ့တာပါ။ ဒါပေမဲ့ နားလည်မှုလွဲတာက စွဲနေတယ်။ ဒါ့အပြင်၊ သိပ္ပံပညာရှင်တွေက ဧရာမ ရှေ့ပိုင်းဒါမှမဟုတ် ဘေးအဝန်းရဲ့

ကျယ်ပြန့်တဲ့ နေရာတွေရဲ့ အရာရောက်မှုကို အချိန်အတော်ကြာ မမှန်းဆနိုင်ခဲ့ဘူး။ ပျက်စီးမှုက မော်တာ (သို့) အာရုံခံ လျော့နည်းမှုတွေ မဖြစ်တော့၊

ဒါတွေက ဘာမှမလုပ်ခဲ့ဘူးလို့ အာဏာပိုင်တွေက ကောက်ချက်ချခဲ့တယ်။ ဆယ်စုနှစ်ချီ ဒီအပိုင်းတွေကို လုပ်ဆောင်မှု သိရခက်တဲ့ တိတ်ဆိတ်နေရာတွေလို့ ခေါ်ခဲ့ပြီး

ဒါတွေက စီမံ၊ပေါင်းစည်းရေး စွမ်းရည်ကို အလေးပေးတာကို သိရှိပြီးဖြစ်တာကြောင့် ဒါတွေမပါရင်၊ လူသားလို့ဆိုနိုင်ရုံပါ။

ဒါတွေက ယေဘုယျ ဆင်ခြင်၊ အစီအစဉ်ချ၊ ဆုံးဖြတ်၊ချင့်ချိန်တာနဲ့ အခြေအနေလိုက် ပြောင်းလဲတာအတွက် အလွန်အရေးကြီးပါတယ်။

ဦးခေါင်းခွံထဲက ဦးနှောက်ရဲ့ ၉/၁၀ က အလဟဿ ထိုင်နေတယ်ဆိုတဲ့ အယူအဆက ဦးနှောက်က စွမ်းအင် အသုံးပြုပုံကို တွက်ချက်တဲ့အခါ ကလေးကလားနိုင်ပုံရတယ်။ ရှဉ့်နဲ့ခွေးလို သတ္တဝါရဲ့ ဦးနှောက်ဟာ

ကိုယ်ခန္ဓာ စွမ်းအင် စုစုပေါင်းရဲ့ ၅ % ကို သုံးစွဲတယ်။ မျောက် ဦးနှောက်က ၁၀% ကို အသုံးပြုတယ်။ ကိုယ်ခန္ဓာထုရဲ့

၂ % သာ ပါဝင်တဲ့ လူကြီး ဦးနှောက်တစ်ခုက နေ့စဉ် ဂလူးကို့စ် လောင်ကျွမ်း မှုရဲ့ ၂၀ % ကို သုံးစွဲတယ်။ ကလေးတွေမှာ ဒီကိန်းဂဏန်းက ၅၀% ရှိပြီး

နို့စို့ကလေးတွေမှာ ၆၀% ပါ။ ဒါက ကိုယ်ခန္ဓာ အရွယ်နဲ့ အချိုးကျတဲ့ သက်ဆိုင်ရာ ဦးနှောက် အရွယ်တွေအတွက် မျှော်လင့်ထားတာထက် ပိုများတယ်။

လူ့ဦးနှောက်က ၁.၅ ကီလိုဂရမ်၊ ဆင်ဦးနှောက် ၅ ကီလိုဂရမ်နဲ့ ဝေလငါးဦးနှောက်က ၉ ကီလိုဂရမ် လေးပေမဲ့

အလေးချိန် အခြေခံအရ လူသားတွေဟာ အခြားမျိုးစိတ်တွေထက် နျူရွန်းတွေ ပိုညပ်သိပ်နေတယ်။ ဒီသိပ်သည်းနေမှုက လူတွေကို သိပ်တော်စေတာပါ။

လူအပါအဝင် ပရိုင်းမိတ်က ထိန်းနိုင်တဲ့ ခန္ဓာအရွယ်အစားနဲ့ နျူရွန်း အရေအတွက်ကြားမှာ ဖလှယ်မှုတစ်ခု ရှိပါတယ်။

၂၅ ကီလိုဂရမ် မျောက်ဝံဟာ နျူရွန်း ၅၃ ဘီလီယံရှိတဲ့ ဦးနှောက်ကို ထိန်းထားဖို့ တစ်နေ့ကို ၈ နာရီ စားရတယ်။ လွန်ခဲ့တဲ့နှစ် ၁ သန်းခွဲက

အချက်အပြုတ် တီထွင်မှုက လူတွေကို အကြီးအကျယ်အကျိုးရှိစေခဲ့တယ်။ ချက်ထားတဲ့ အစာကို ခန္ဓာကိုယ် အပြင်ဘက်မှာ ပျော့ပျောင်းပြီး

ကြိုကြေညက်စေတာပါ။ အူတွေက စွမ်းအင်ကို ပိုလွယ်ကူစွာ စုပ်ယူတာပါ။ ချက်ပြုတ်တာက အချိန်ကို အအားပေးပြီး အစာစိမ်းတွေကို

စားတာထက် စွမ်းအင်ပိုပေးတဲ့အတွက် သိပ်သည်းနေတဲ့ နျူရွန်း ၈၆ ဘီလီယံရှိတဲ့ ဦးနှောက်ကို တည်တံ့စေနိုင်ပါတယ်။

မျောက်ဝံထက် ၄၀% ပိုပါတယ်။ ဒီမှာ အလုပ် လုပ်ပုံပါ။ ဦးနှောက်က လောင်ကျွမ်းတဲ့ ကယ်လိုရီ တစ်ဝက်က

လျှပ်စစ်အားကို ထိန်းဖို့ အမြှေးပါးတွေကိုဖြတ်ပြီး ဆိုဒီယမ်နဲ့ ပိုတက်ဆီယမ် အိုင်ယွန်တွေကို စုပ်ယူရင်း အဆောက်အအုံ ဖွဲ့စည်းမှူ မပျက်အောင် ဆက်ထိန်းသိမ်းပေးစေရုံပါ။

ဒီလို လုပ်ဖို့ ဦးနှောက်ဟာ စွမ်းအင် အစားကျုးသူ ဖြစ်ရမယ်။ ဒါက တစ်မိနစ်ကို အံ့ဩလောက်အောင် 3.4 x 10^ ၂၁ အေတီပီ မော်လီကျူးတွေကို စားသုံးတယ်၊

အေတီပီက ကိုယ်ခန္ဓာ မီးပြင်းဖိုရဲ့ ကျောက်မီးသွေးပါ။ နျူရွန်း ၈၆ ဘီလီယံမှာ အနားယူတဲ့ အလားအလာတွေကို ထိန်းသိမ်းတာရဲ့ မြင့်မားတဲ့ ဆုံးရှုံးမှုက

အရာတွေကို တကယ် ပြီးမြောက်စေတဲ့ ၊ နာဗ်ကြော ထုတ်လွှတ်မှုတွေဖြစ်တဲ့၊ နာ့ဗ်ကြောမျှင် တွေကို ဖြတ်ပြီး အချက်ပြမှုတွေကို တွန်းပို့ဖို့ စွမ်းအင် အနည်းငယ် ကျန်တာပါ။

တစ်ချိန်ချိန်၊ သတ်မှတ်ထားတဲ့ နေရာတစ်ခုမှာ နျူရွန်းတွေရဲ့ ရာခိုင်နှုန်း အနည်းငယ်သာ နိုးကြွတာတောင် ဦးနှောက်တစ်ခုလုံးအပေါ် ထုတ်ပေးတဲ့ စွမ်းအင် ဝန်ထုပ်ဝန်ပိုးက

မတည်မြဲနိုင်ဘူး။ ဒါက စွမ်းအင် စွမ်းဆောင်မှု ပါဝင်လာတဲ့ နေရာပါ။ sparse coding လို့ သိကြတဲ့ ဆဲလ်တွေရဲ့ အချိုးအစား အနည်းငယ်ကို

တစ်ချိန်ချိန်မှာ အချက်ပြစေတာက စွမ်းအင်အနည်းဆုံးကို သုံးပေမဲ့ သတင်းအချက်အလက် အများဆုံးကို သယ်ဆောင်လာတယ်။

အကြောင်းကတော့ အချက်ပြ အရေအတွက်အနည်းငယ်မှာ ကိုယ်တိုင် ဖြန့်ဝေတဲ့ ဖြစ်နိုင်တဲ့ လမ်းကြောင်း ထောင်ချီရှိတာကြောင့်ပါ။ နျူရွန်းအမြောက်အမြားအတွင်းက sparse coding ရဲ့ အားနည်းချက်တစ်ခုက

ဒါရဲ့ ဆုံးရှုံးမှုပါ။ ပိုဆိုးတာက ဆဲလ်တွေရဲ့ အချိုးအစားက ဘယ်တော့မှ မနိုးကြွရင်၊ ဒါတွေဟ အပိုဖြစ်သွားပြီး

ဆင့်ကဲဖြစ်စဉ်ကို ကြာမြင့်စွာကတည်းက စွန်ပယ်ခဲ့မှာပါ။ ဖြေရှင်းနည်းက ဦးနှောက်က တစ်ပြိုင်နက် တက်ကြွလှုပ်ရှားနိုင်တဲ့ ဆဲလ်တွေရဲ့ အကောင်းဆုံး အချိုးအစားကို ရှာဖို့ပါ။

အမြင့်ဆုံး ထိရောက်မှုအတွက်၊ ဆဲလ်တွေရဲ့ ၁% နဲ့ ၁၆% အကြားက သတ်မှတ်ချိန် တစ်ခုခုမှာ တက်ကြွနေသင့်တာပါ။ ဒါက လုံးဝ သတိရှိနေဖို့ ကျွန်တော်တို့ အတူနေထိုင်ရမယ့်

စွမ်းအင် ကန့်သတ်ချက်ပါ။ အရင်းမြစ်တွေ ထိန်းဖို့ လိုအပ်ချက်က ဦးနှောက် လုပ်ငန်းစဉ် အများစုဟာ အသိစိတ်ရဲ့

အပြင်မှာ ဖြစ်ပျက်ရမယ့် အကြောင်းပြချက်ပါ။ ဒါကြောင့် မျိုးစုံတစ်ပြိုင်နက်လုပ်တာက လူမိုက် အလုပ်ပါ။ လူတွေဟာ သုံး၊လေး၊ ငါးခုကို အသာထား၊ နှစ်ခုကို

တစ်ပြိုင်နက်လုပ်ဖို့ စွမ်းအားမရှိပါ။ ကြိုးစားတဲ့အခါ၊ အပြည့်အဝအာရုံစိုက်တာထက် လုပ်ငန်းတစ်ခုစီကို ကောင်းကောင်း မလုပ်ကြတာပါ။

နံပါတ်တွေက ကျွန်တော်တို့နဲ့ ဆန့်ကျင်နေတယ်။ သင်ရဲ့ ဦးနှောက်က တော်ပြီး အစွမ်းထက်နေပါပြီ။ အစွမ်းထက်လွန်းလို့ အစွမ်းဆက်ရှိနေဖို့ စွမ်းအား အများကြီး လိုအပ်ပါတယ်။

စွမ်းအင် စွမ်းဆောင်မှု အစီအစဉ်တစ်ခုမှာ တည်ဆောက်ထားတော့ သိပ်ကို တော်နေတာပါ။ မမှန်တဲ့ ယုံမှတ်မှားမှုတစ်ခုက ပျင်းရိတဲ့ ဦးနှောက်လို့

ယူဆရတာအတွက် အပြစ်မဖြစ်ပါစေနဲ့။ အပြစ်က စွမ်းအင်ဖြုန်းတီးမှုဖြစ်မှာပါ။ နောက်ဆုံးတော့

စိတ်စွမ်းအင် ဖြုန်းတီးတာက မိုက်မဲတာကို မသိဘူးလား။ ထိန်းသိမ်းဖို့ စွမ်းအင် ဆာလောင် နေတဲ့ နျူရွန်းဘီလီယံချီရှိတယ်။ ဒီတော့ အမြန် လုပ်ဆောင်ပါ။